الثلاثاء، نوفمبر 18، 2008

تحقيق شخصيه لمواطن

تحقيق شخصيه تعالوا معى ياساده نتحول فى بعض احياء مصر المحروسه لنرى امكانية استخراج تحقيق شخصيه لمواطن يعيش على ارض مصر ونرى ما هى المهن والمؤهلات المدرجة بتحقيق الشخصيه باختلاف الموقع والبيئه التى يعيش فيها هذا المواطن ولنبدا من القاهره وبعض الاحياء الشعبيه الاسم:-......................... محل الاقامه: مصر الجديده المؤهل الدراسى:----------------- المهنه:-- طبيب جراح صادفنا فى الطريق شقيق الطبيب وسالناه عن اقامته صرح انه يقيم بذات الحى الذى يقيم فيه اخيه الطبيب وسالنا عن مهنته فاجاب انه كابتن طيار -------------------------------------------------------------------------- ذهبنا الى حى الزمالك وحرنا فى نوعية تحقيق الشخصيه الذى يحمله كل مواطن فى هذا الحى فهناك مهن اطباء وعلماء ومهندسين ومحامين كلها صراحة تدعو الى الفخر والاعتزاز بان من بنو مصر قاده عسكريين وعلماء مثل احمد زويل ويعقوب مثلا والذين نفخر بهم امام العالم حقيقة نماذج مشرفة للعالم العربى باسره وليست مصر وحدها ------------------------------------------------------------------------- فجاة وجدنا انفسنا فى وسط ساكنى البدروم بقاهرة المعز تصوروا وقفنا مزهولين ولا ندرى ماذا يحمل كل مواطن منهم من مهنه او مؤهل من عدمه وعما اذا كا متزوجا ويعول لم نستطع ان نسال قاطنى البدروم عن تحقيق الشخصيه فربما يكونوا من علية القوم ولكنهم متصوفون زاهدين الدنيا وقرروا طواعية ان يعيشوا فى مكان غير ادمى ويانفه حتى الحيوان ... اعتذر عن التعبير ----------------------------------------------------------------------------- فكرنا نروح (( جوهرة مصر)) اللى هى بورسعيد وباسم الله ما شاء الله وجدنا مدخل المدينه مشرف وتجولنا فى حى الافرنج او حىة الشرق وده اللى كان الخواجات بيعيشوا فيه زمان اتكسفنا نسال اى حد من هن هناك على تحقيق شخصيته او نوعية عمله او مهنته واذا كان سعيد فى الحياه ولا لا قلنا نروح شارع الامين من طرح البحر وكانت الصدمه ويا ريتنا ما زرنا المدينه بس الحمد لله مكانش معانا حد من السياح علشان ما يشوفش اللى احنا شفناه .... شفنا عشوائيات فى نهاية شارع الامين بالقرب من قسم شرطة الضواحى .. لقينا ناس زاهدين فى الدنيا برضه ساكنين بعشش مبنيه من خشب ابلكاش وكرتون ومياة صرف صحى من العشش لانهم ما عندهمش حمامات او دورات مياه مبنيه من قبل الدوله وانما كل مواطن عامل حفره برميليه داخل عشته وممكن يعمل برميل ويوصل منه ماسوره بلاستيك وده بيسبب تكاثر الناموس وما يهمش انهم يحقنوا مياه بول بتسبب الامراض وكمان فيه فئران الواحد منها بحجم القط اضافة الى ثعابين خلاف هذا كله هناك حالات وفاه لاطفال بسبب التلوث والفيروسات لعدم وجود اى رعاية صحيه او اجتماعيه لقاط نى زرزاره وابوعوف والقابوطى سالنا واحد مهنتك ايه قال ارزقى يوم اشتغل وعشره لا...... ثم سالناه :-- عندك اولاد فى المدارس ؟؟؟ اجاب لا... لا... لا يابيه ... اجيبلهم منين انا طلعت الاولاد من المدرسه علشان يساعدونى على المعايش ----------------- سالنا مواطن اخر بتشتغل ايه ؟؟؟ فاجاب : تاجر ... قلنا تاجر ايه بالضبط؟؟؟؟؟؟؟؟؟؟؟ تاجر وخلاص ... طبعا ما قدرناش نقوله تاجر ايه علشان ما نزعلهوش طيب معاك مؤهل دراسى ؟؟؟؟؟؟؟؟؟ فابتسم وقال شهادات ايه يا استاذ؟؟؟؟ ده العلم فى الراس مش فى الكراس ------------------- بصراحه انا اترك للقارئ ان يحرر تحقيق الشخصيه الخاصة بقاطنى العشوائيات فى القاهره وبورسعيد والى لقاء اخر باذنه تعالى

هناك 3 تعليقات:

غير معرف يقول...

باسم سكان البدروم اتوجه لجوهرة مصر وصاحبها بالشكر والتقدير

غير معرف يقول...

يا ريت تزور بقية العشوائيات وشوف سكان المقابر
تكسب ثواب
نشكرك على طرح المشكله ونتمنى مزيد من الجهد علشان صوتنا يصل للمسؤولين

جوهره مصر يقول...

شكرا لمروركم ومشاركاتكم واشكر ان التليفزيون المصرى اجاز نشر الحلقه التى اشرف عليها مفيد فوزى حول سكان البدروم
والاخ اللى بيقول سكان القبور فاننى اعده بالمحاوله ان مد الله فى عمرى لنرى صوره اخرى من قاطنى العشوائيات معدومى الحياه
شكرا