الجمعة، أكتوبر 24، 2014

ملائكة الرحمه بمستشفى الاميرى بورسعيد يا معالى الوزير

اقرا يا معالى وزير الصحه ما ورد على صفحات التواصل الاجتماعى ( فيس بوك )
انظر الى هذا المواطن المصرى  والخدمات التى قدمت له من ملائكة العذاب بمستشفى الاميرى ببورسعيد فما بالك بالمستشفيات الحكوميه والمراكز والوحدات الطبيه بقرى ونجوع وصعيد مصر

ملائكة الرحمة بلا رحمة داخل مستشفى بورسعيد العام
الاسم : صبحى
غرفة : 207 بالعناية المركزة "الاميرى"

صبحى شاب فى العهد الثانى من عمرة ، دخل المستشفى بعد حادث على طريق بورسعيد - المنزلة منذ حوالي شهر

صبحى عند دخولة المستشفى تم وضعة بالاستقبال من 11 ليلا الي الثانية مساء اليوم الثانى

صبحى اكتشفوا بعد اكثر من 12 ساعة ان عنده نزيف فى البطن ، ودا طبعا دون عمل اشاعات ع البطن او غيرها ، دا بيفكرنى بحالة شريف راضى الله يرحمة لما تركوه ينزف حتى الموت

صبحى تم عمل ثلاث عمليات علي مدار الشهر داخل البطن وحتى الان صبحى ينزف "براز" من بطنة وفمة

صبحى بقالة شهر الجرح مفتوح مش بيقفل

كلمونى عن الصحة فى بورسعيد ، كلمونى عن المسئولين والدكتور شريف ابو جندى ، كلمونى عن ملائكة الرحمة !!

انا مش هطلب غير طلب واحد ان كل واحد مننا يحط نفسة مكان صبحى ويعرف ان الدور ممكن يكون عليه ، ساعتها موقفك هيبقى ايه

صبحى خلاص بيموت بسبب الاهمال ، صبحى بيموت بسبب سكاتنا ، صبحى بيموت واحنا جوانا مات خلاص ، مفيش احساس ولا مسئولية وكلوا بيقول يالا نفسي

انا عاوز شير ونشر علي اوسع نطاق يمكن حد يعمل حاجة ونبقى علي الاقل احترمنا انسانيتنا وكرامتنا والي فاضل فينا